Malayalam Hymn
Maname chanchalm enthinay karuthan
Maname chanchalm enthinay karuthan lyrics · Malayalam Christian Song · Video
The Hymnal0 plays
Lyrics
മനമേ ചഞ്ചലമെന്തിനായ്
കരുതാൻ വല്ലഭനില്ലയോ ജയവീരനായ്
മനമേ ചഞ്ചലമെന്തിനായ് ആ ആ ആ ....
1 നാളയെ നിനച്ചു നടുങ്ങേണ്ടാ-ദുഃഖ-
വേളകൾ വരുമെന്നു കലങ്ങേണ്ടാ-
കാലമെല്ലാമുളള മനുവേലൻ
കരുതാതെ കൈവിടുമോ;- ആ ആ ആ...
2 വാനിലെ പറവകൾ പുലരുന്നു-നന്നായ്
വയലിലെത്താമര വളരുന്നു
വാനവനായകൻ നമുക്കേതും
നൽകാതെ മറന്നീടുമോ;- ആ ആ ആ....
3 കൈവിടുകില്ലവനൊരുനാളു-മെന്നു
വാക്കുപറഞ്ഞവൻ മാറിടുമോ
വാനവും ഭൂമിയും പോയാലും
വാഗ്ദത്തം സുസ്ഥിരമാം;- ആ ആ ആ...
4 മുന്നമെ ദൈവത്തിൻ രാജ്യവും നാം അതിൻ
ഉന്നത നീതിയും തേടീടേണം
തന്നിടും നായകൻ അതിനോടെ
അന്നന്നു വേണ്ടതെല്ലാം;- ആ ആ ആ...
5 നിൻ വഴി ദേവനെ ഭരമേൽപ്പിക്കുക
നിർണ്ണയമവനതു നിറവേറ്റും
ഭാരം യഹോവയിൽ വച്ചീടുകിൽ
നാൾതോറും നടത്തുമവൻ;- ആ ആ ആ...
6 വരുവാൻ കാലമടുത്തല്ലോ അവൻ
ഒരുക്കിയ വീട്ടിൽ നാം ചേർന്നിടുവാൻ
ഒരുനാളുമിനി പിരിയാതെ
മരുവും നാമാനന്ദമായ്;- ആ ആ ആ...
