Malayalam Hymn
Orkkunnu natha anudinavum nine
Orkkunnu natha anudinavum nine lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 ഓർക്കുന്നു നാഥാ അനുദിനവും നിന്നെ
ഓർത്തിടാൻ യോഗ്യൻ നീ മാത്രമെന്നും
ഓർത്തിടും ഞാനെന്നെ തേടിയ സ്നേഹത്തെ
ഒരു നാളും കുറഞ്ഞിടാ കാരുണ്യത്തെ
നന്മകൾ നൽകിയെൻ നാളുകൾ ധന്യമായ്
നല്ലവൻ നിൻ ദാനമനവധിയായ്
നന്ദിയോടോർത്തിടും സ്തോത്രമർപ്പിച്ചിടും
നാളെയും ഇന്നും എന്നായുസെല്ലാം
2 ഉണരുമ്പോൾ ഓർത്തു ഞാൻ സ്തോത്രമർപ്പിച്ചിടും
ഉയിരോടുണർത്തിയ ഉന്നതന്
ഉറങ്ങിടും ശാന്തമായ് ഹൃത്തിലാശ്വാസമായ്
ഉറങ്ങിടാ പാലകൻ ഉണ്ടെൻ ചാരെ;-
3 കൂട്ടുകാർ അകന്നാലും സ്തോത്രമർപ്പിച്ചിടും
കൂടവെ ഉള്ളവൻ പിരിയാ മിത്രം
കൂരിരുൾ മൂടുമെൻ ജീവിതയാത്രയിൽ
കൂടെ നിന്നിടും കർത്തനെന്നും;-
4 സർവ്വ ദാനങ്ങൾക്കും സ്തോത്രമർപ്പിച്ചിടും
സകലവും തന്നവൻ നീ ധന്യനാം
സൽഗുണ പൂർണ്ണനേ സ്വർഗ്ഗീയ സൂനുവേ
സർവ്വേശ്വരാ നന്ദി ചൊല്ലിടുന്നെ;-
