Malayalam Hymn
Varuvin yeshuvinnarikil ethra nallavan
Varuvin yeshuvinnarikil ethra nallavan lyrics · Malayalam Christian Song · Video
The Hymnal0 plays
Lyrics
വരുവിൻ യേശുവിന്നരികിൽ
എത്ര നല്ലവൻ താൻ രുചിച്ചറികിൽ
വരുവിൻ കൃപകൾ പൊഴിയും കുരിശിന്നരികിൽ
1 കൃപമേൽ കൃപയാർന്നിടുവാൻ
നമ്മൾ പരമപാദം ചേർന്നിടുവാൻ
ധരയിൽ നടന്ന തൻ ചരണം
നിങ്ങൾക്കരുളും ശാശ്വതശരണം
അല്ലും പകലും മുൻപിൽ നിൽപ്പവൻ തുണയായ്;-
2 പരിശോധനകൾ വരികിൽ മനം
പതറാതാശ്രയിച്ചീടുകിൽ
ബലഹീനതയിൽ കവിയും
കൃപ മതിയെന്നാശ്രയിച്ചീടുകിൽ
വിരവിൽ വിനകൾ തീരും സകലവും ശുഭമായ്;-
3 സ്നേഹിതരേവരും വെടിഞ്ഞാൽ
അതു യേശുവിനോടു നീ പറഞ്ഞാൽ
സ്നേഹിതരില്ലാ കുരിശിൽ
പെട്ട പാടുകളെഴും തൻ കരത്താൽ
നന്നായ് നടത്തും വീട്ടിൽ ചേരുംവരെയും;-
4 ഒരുനാൾ നശ്വരലോകം
വിട്ടുപിരിയും നാമതിവേഗം
അങ്ങേക്കരയിൽ നിന്നും
നാം നേടിയതെന്തെന്നറിയും
ലോകം വെറുത്തോർ വില നാമന്നാളറിയും;-
