Malayalam Hymn
Padi sthuthicchidam priyane
Padi sthuthicchidam priyane lyrics · Malayalam Christian Song · Video
The Hymnal0 plays
Lyrics
പാടി സ്തുതിച്ചിടാം പ്രിയനെ
വാദ്യമേളങ്ങൾ കൊണ്ടെന്നെന്നും
ഉന്നതം മുഴങ്ങുന്ന മാറ്റൊലി
മുഴക്കിടാം സൽപ്രഭാതം വരെ
1 മരുഭൂമി യാത്രയിൽ ക്ലേശങ്ങൾ
പ്രതിദിനം വലയം ചെയ്തിടുകിൽ
നിശ്ചിത തുറമുഖത്തെത്തിടാൻ
സ്ഥിരതയോടോടിടാം ഭക്തിയായ്;- പാടി…
2 ദീപ്തി കലരും പ്രഭാതത്തിൽ
പ്രാണപ്രിയൻ മുഖം കണ്ടിടാം
തേജസ്സും മഹത്വവുമണിഞ്ഞു നാം
സമ്പർക്കം പുലർത്തിടും നിത്യവും;- പാടി…
3 തിരുസീയോൻ പർവ്വത പംക്തിയിൽ
പരിലസിക്കും പ്രിയൻ കൂടെന്നും
സൗന്ദര്യ പൂർണ്ണത തിങ്ങുന്ന
കോമള രൂപം കണ്ടെന്നെന്നും;- പാടി…
4 മറന്നീടും മന്നിലെ ക്ലേശങ്ങൾ
മഹിമ കണ്ടാനന്ദം തിങ്ങുമ്പോൾ
മഹത്വത്തിൻ രാജാധി രാജാവെൻ
മൽ പ്രാണപ്രിയനായുള്ള താൽ;- പാടി…
5 നൃത്തം ചെയ്യും പാടി വഴ്ത്തി നാം
വീണ്ടെടുപ്പിൻ ഗീതം വീണയിൽ
മീട്ടിടും നിമിഷങ്ങൾതോറുമാ
ഭക്തിയിൽ ഭംഗം വരാതെന്നും;- പാടി…
6 നാളുകളേറെയില്ലേശുവിൻ
വരവിൻ മുൻ കാഹളം ധ്വനിക്കുവാൻ
വേഗത്തിൽ കേൾക്കും നാം വാനത്തിൽ
പറന്നേറാൻ പാവനമാകുക;- പാടി…
7 വാണിടും പൊൻമുടി ചൂടി നാം
സിംഹാസനേ രാജരാജരായ്
നവയെരുശലേമത്രെ നമ്മുടെ
നിത്യഭവനമെന്നോർത്തു നാം;- പാടി…
