Malayalam Hymn
Enne rakshippathinu nathhan
Enne rakshippathinu nathhan lyrics · Malayalam Christian Song
The Hymnal0 plays
Lyrics onlyWhatsApp
Lyrics
എന്നെ രക്ഷിപ്പതിനു നാഥൻ
അയ്യോ! താണിറങ്ങി, വന്നതോർത്താൽ
എന്റെ ഇഷ്ടം നടക്കേണ്ട
അബ്ബാ നിന്റെ ഇഷ്ടം നടക്കട്ടെ
ഗതസമന തോട്ടത്തിൽ പോയ്
അയ്യോ! കവിണ്ണു വീണു പ്രാർഥിക്കുന്നു
കഴിയുമെങ്കിൽ ഈ പാനപാത്രം
അബ്ബാ എങ്കൽ നിന്നു നീങ്ങി പോണം;- എന്റെ...
പ്രാർഥനയിൽ നിന്നിഴുന്നു
അപ്പോൾ വട്ടം കൂടി അടുത്തു യൂദർ
പിടിച്ചു കെട്ടി നടത്തി കൊണ്ടു
അയ്യോ! പോകുന്നിതാ ക്രൂരന്മാരും;- എന്റെ...
പീലാത്തൊസിൻ അരമനയിൽ
അയ്യോ! നിൽക്കുന്നിതാ അരുമനാഥൻ
പലപല ചോദ്യങ്ങൾ ചെയ്തു
അയ്യോ! വിധിക്കുന്നിതാ പീലാത്തൊസ്;- എന്റെ...
യെരൂശലേമിൻ പുത്രിമാരും
അയ്യോ! മാർവിൽ തല്ലി നിലവിളിച്ചു
അപ്പോൾ രാജാ കൽപ്പിക്കുന്നു
നിങ്ങൾ എന്നെ ചൊല്ലി കരക വേണ്ടാ;- എന്റെ...
ക്രൂശിൻ മീതെ കയറ്റിയിട്ടു
അയ്യോ! കൈകൾ രണ്ടും നീട്ടുന്നിതാ
കാൽകൾ രണ്ടും ഒരാണിയാൽ
തറയ്ക്കുന്നിതാ ക്രൂരന്മാരും;- എന്റെ...
എൻ ദൈവമേ എൻ ദൈവമേ
അയ്യോ! എന്തിനെന്നെ കൈവിട്ടത്
കാടി വാങ്ങി തീർന്നുടനെ
അയ്യോ! നിവർത്തിയായി ജീവൻ വിട്ടു;- എന്റെ...
