Malayalam Hymn
Yeshuve nin snehamenne
Yeshuve nin snehamenne lyrics · Malayalam Christian Song
The Hymnal0 plays
Lyrics onlyWhatsApp
Lyrics
1 യേശുവേ നിൻ സ്നേഹമെന്നെ കാത്തു സൂക്ഷിച്ചു
നിൻ കൃപയിലിന്നയോളം നിന്നുപോരുവാൻ
2 നാശകന്റെ ഊടുവഴി ചുറ്റി നടന്നു-നാഥാ
മിശ്രദേശത്തന്ധനായ് ഞാൻ മുമ്പു നടന്നു
3 പാപഭാരമെന്നിൽ നിന്നു നീക്കി നീയെന്നെ-ദൈവ-
കോപത്തീയിൽ വീഴാതെന്റെ ശാപം തീർത്തു നീ
4 നാൾതോറുമെൻ ഭാരങ്ങളെ നീ വഹിക്കുന്നു-എന്റെ
ഉള്ളമതിൽ പള്ളികൊണ്ടു വാഴുന്നതു നീ
5 പാപത്തിന്റെ ശോധനകൾ വർധിച്ചീടുമ്പോൾ-നാഥാ
പാപം ചെയ്യാതെന്നിൽ കൃപ തന്നു പാലിക്ക
6 ഈ മരുവിൽ ഞാനിടറി വീണുപോകാതെ-സർവ-
ദുർമോഹവുമെന്നിൽനിന്നു ദൂരെ നീക്കുക
7 ലോകസ്നേഹം പൂണ്ടീ ദാസൻ ദേമാസാകാതെ-എന്നെ
ലോകത്തിൽ നീ അന്യനായ് കാത്തുകൊള്ളേണം
8 പണ്ടാറുലക്ഷം യോദ്ധാക്കളായി എണ്ണിയവരിൽ-അന്ത്യം
രണ്ടുപേരായ് തീർന്നതോർക്കിൽ ഭീതിയുണ്ടെന്നിൽ
9 ആപത്തിലും ക്ഷാമത്തിലും യേശുവേ നീ മാത്രം-എന്നെ
ക്ഷേമമായി പാലിക്കേണം ആർദ്രവാനേ നീ
10 പിറുപിറുപ്പും മറുതലിപ്പും വന്നുപോകാതെ-എന്നെ
കരങ്ങളിൽ നീ പരിപാലിക്ക പരമരാജാവേ
11 സ്വർഗ്ഗകനാൻ നാട്ടിലെന്റെ പാദം വെക്കുവാൻ-ഇനി
എത്രനാൾ ഞാൻ ക്ഷോണിതന്നിൽ കാത്തു പാർക്കേണം
