Malayalam Hymn
Enthor aanandamee kristheya jeevitham
Enthor aanandamee kristheya jeevitham lyrics · Malayalam Christian Song
The Hymnal0 plays
Lyrics onlyWhatsApp
Lyrics
എന്തോരാനന്ദമീ ക്രിസ്തീയ ജീവിതം
ദൈവത്തിൻ പൈതലിൻ ജീവിതം
1 ഭീതിയുമില്ലെനിക്കാധിയുമില്ല
ഭൗതിക ചിന്താഭാരവുമില്ല
മമ താതനായ്‌ സ്വർഗ്ഗനാഥനു-
ണ്ടവൻ മതിയെനിക്കേതൊരു വേളയിലും;-
2 വ്യസനമില്ല നിരാശയുമില്ല
വരുവതെന്തന്നാകുലമില്ല
എന്നേശു തൻ തിരു കൈകളിലെന്നെ
സന്തതമൻപോടു കാത്തിടുന്നു;-
3 മനുഷ്യനിൽ ഞാനാശ്രയിക്കില്ല
ധനത്തിലെൻ മനം ചായുകയില്ല
ഉയിർപോം വരെ കുരിശേന്തി ഞാൻ
ഉലകിൽ മനുവേലനെയനുഗമിക്കും;-
4 ആരിലെന്നാശ്രയമെന്നെനിക്കറിയാ-
മവനെന്നുപനിധിയൊടുവോളം കാക്കും
തന്നന്തികെ വരുമാരെയും
അവൻ തള്ളുകില്ലൊരു വേളയിലും;-
5 കൂടാരവാസം ഭൂവിലെൻ വാസം
പാരിടമോ പാർത്താൽ പരദേശം
പരൻ ശിൽപിയായ്‌ പണിയുന്നൊരു
പുരമുണ്ടതു കാത്തു ഞാൻ പാർത്തിടുന്നു;-
