Malayalam Hymn
Varunnithaa nathhan vazhuvan bhumau
Varunnithaa nathhan vazhuvan bhumau lyrics · Malayalam Christian Song · Video
The Hymnal0 plays
Lyrics
വരുന്നിതാ നാഥൻ വാഴുവാൻ ഭൂമൗ
നിരന്ന തൻ പരിവാര പദവികളോടെ
1 നരന്നു വാഴ്വാൻ ഭൂമി യൊരുക്കിനാനാദിയിൽ
നരനുടെ മരണത്താൽ നടന്നില്ലതെന്നാൽ;- വരുന്നിതാ...
2 നരസുതനായവൻ മരിച്ചുയിർത്താകയാൽ
ഭരണമീ ഭൂമേൽ ചെയ് വാൻ ലഭിച്ചവകാശം;- വരുന്നിതാ...
3 പിതൃഭരണാസനമവന്നു ദേവൻ നൽകു-
മധിപനാമവനെന്നു പ്രവചനമുണ്ട്;- വരുന്നിതാ...
4 ജരിച്ച ഭരണങ്ങൾ മറിച്ചു നീക്കിത്തന്റെ
വരിച്ച സതിയോടൊത്തു ഭരിച്ചിരുന്നീടാൻ;- വരുന്നിതാ...
5 കഠിന നിയമങ്ങൾ തടവു ചെയ്തെങ്ങും തൻ
കുടിലത വിട്ടു ധർമ്മം നടത്തുവതിന്നായ്;- വരുന്നിതാ...
6 തന്നുടെ പേർക്കായി മന്നിലലിഞ്ഞ തൻ
നിന്ദിത ജനങ്ങൾ നിലവിളി നീക്കാൻ;- വരുന്നിതാ...
7 തിരു ജനങ്ങൾക്കേറ്റം ദുരിതമിയറ്റിയോ
രരികുലങ്ങൾക്കു തക്ക പ്രതികാരം ചെയ് വാൻ;- വരുന്നിതാ...
8 പരമപിതാവിന്റെ തിരുഹിതമൊത്തു ഭൂ-
യെരുശലേം പുരി രാജ നഗരമാക്കീടാൻ;- വരുന്നിതാ...
