Malayalam Hymn
Vazhthuka vaanavar aadaravaay
Vazhthuka vaanavar aadaravaay lyrics · Malayalam Christian Song · Video
The Hymnal0 plays
Lyrics
1 വാഴ്ത്തുക വാനവരാദരവായ്
വാഴ്ത്തും വാന മഹോന്നതനെ
സ്തുതിയും സ്തോത്രവുമവനുള്ളത്
മഹത്വവും ബലവുമവന്റേത്!
ഇമ്മാനുവേലായവനാം പൊ-
ന്നേശുവിന്റെ തിരുനാമം
സന്തതമുയരട്ടെ - സ്തുതികളിലുയരട്ടെ!
ഭൂതല സീമകളിൽ!
2 നന്ദിനിറഞ്ഞവരായ് ദിനവും
വന്ദിത ഗുരുവരനാം പരനേ
നാൾതോറും താൻ ചെയ്തവയാം
നന്മകൾക്കായ് സ്തുതിപാടാം;- ഇമ്മാ...
3 കരുണയും സ്നേഹവും നിറഞ്ഞവനാം
കർത്താവിനു സ്തുതി പാടുമ്പോൾ
തിരു നാമത്തിന്നിമ്പ സ്വരം
സ്തുതികളിൽ മധുരം പകരുന്നു;- ഇമ്മാ...
4 നേരുള്ളവരായ് തൻ ദയയിൽ
ചാരുന്നവരായ് തീരുക നാം
രാവിലെ തോറുമവന്റെ ദയ
പുതുതായതിനാൽ സ്തുതി പാടാം;- ഇമ്മാ..
5 സ്തുതിയുയരങ്ങളിലുയരട്ടെ
സ്തുതിയാലുള്ളവുമുണർന്നിടട്ടെ
ആത്മണാളനെഴുന്നെള്ളും
കാഹള നാദം കേൾക്കാറായ്;- ഇമ്മാ...
6 സ്തോത്രം പരനേ നിനക്കു സ്തുതി
തിയേക നാഥാ നിനക്കു സ്തുതി
നിനക്കു സ്തുതി സ്തുതി നിനക്കു സ്തുതി
മഹത്വത്തിൻ പ്രഭുവേ നിനക്കു സ്തുതി!;- ഇമ്മാ...
