Malayalam Hymn
Yeshuve pole aakuvan yeshuvin
Yeshuve pole aakuvan yeshuvin lyrics · Malayalam Christian Song
The Hymnal0 plays
Lyrics onlyWhatsApp
Lyrics
യേശുവേപ്പോലെ ആകുവാൻ യേശുവിൻ വാക്കു കാക്കുവാൻ
യേശുവേനോക്കി ജീവിപ്പാൻ-ഇവയെ കാംക്ഷിക്കുന്നു ഞാൻ
ഉറപ്പിക്കെന്നെ എൻ നാഥാ നിറയ്ക്കയെന്നെ ശുദ്ധാത്മാ
ക്രിസ്തൻ മഹത്വത്താലെ ഞാൻ മുറ്റും നിറഞ്ഞു ശോഭിപ്പാൻ
ശൈശവ പ്രായ വീഴ്ചകൾ-മോശയാലുള്ള താഴ്ചകൾ
നീക്കുക എല്ലാം നായകാ ഏകുക നിൻ സമ്പൂർണ്ണത
പ്രാർത്ഥനയാൽ എപ്പോഴും ഞാൻ-ജാഗരിച്ചുപോരാടുവാൻ
നിന്റെ സഹായം നൽകുക-എന്റെ മഹാപുരോഹിതാ
വാഗദത്തമാം നിക്ഷേപം ഞാൻ ആകയെൻ സ്വന്തമാക്കുവാൻ
പൂർണ്ണപ്രകാശം രക്ഷകാ-പൂർണ്ണവിശ്വാസത്തെയും താ
ഭീരുത്വത്താൽ അനേകരും-തീരെ പിന്മാറി ഖേദിക്കും
ധീരത നല്കുകേശുവേ വീരനാം സാക്ഷിയാക്കുക
വാങ്ങുകയല്ല ഉത്തമം-താങ്ങുകയേറെ ശുദ്ധമാം
എന്നു നിന്നോടു കൂടെ ഞാൻ-എണ്ണുവാൻ ജ്ഞാനം നൽകണം
തേടുവാൻ നഷ്ടമായതും നേടുവാൻ ഭൃഷ്ടമായതും
കണ്ണുനീർവാർക്കും സ്നേഹം താ-വന്നു നിൻ അഗ്നികത്തിക്ക
കഷ്ടതയിലും പാടുവാൻ-നഷ്ടമതിൽ കൊണ്ടാടുവാൻ
ശക്തിയരുൾക നാഥനേ-ഭക്തിയിൽ പൂർണ്ണനാക്കുക
യേശുവിൻകൂടെ താഴുവാൻ യേശുവിൻകൂടെ വാഴുവാൻ
യേശുവിൽ നിത്യം ചേരുവാൻ-ഇവയെ കാംക്ഷിക്കുന്നു ഞാൻ
